اسلام آباد۔20اپریل (اے پی پی) صحت دے وفاقی وزیر عبدالقادر پٹیل ہسپتال دی ایمرجنسی سمیت سارے وارڈز دا تفصیلی دورہ کیتا ،ہسپتال دی انتظامیہ صحت دے وفاقی وزیر کوں مریضاں کوں ݙتی ونڄݨ آلیاں سہولتاں بارے بریفنگ ݙتی ، ایں موقع تے عبدالقادر پٹیل ہسپتال انتظامیہ کوں ہدایت کیتی مریضاں کوں چنڳیاں طبی سہولتاں دی فراہمی یقینی بݨاؤ،ݙکھی انسانیت دی خدمت کرݨ ساݙا مذہبی تے اخلاقی فرض اے،صحت دے وزیر آکھیے جو سارے ڈاکٹرز پیرا میڈیکل سٹاف محنت لڳن تے جذبے نال کم کرے،موجودہ حکومت سماجی شعبے اتے عوام دی بہتری سانگے بھرپور اقدامات کوں یقینی بݨیسی، انہاں آکھیے میݙے دورے دا مقصد عوام کوں ملݨ آلیاں سہولتاں ، ہسپتال انتظامیہ تے مریضاں دی مشکلاں دا جائزہ گھنݨا ہا ،انہاں دا آکھݨ ہا جو حکومت صحت دے شعبے تے خصوصی فوکس کریندی پئی اے تے عوام کوں معیاری طبی سہولتاں یقینی بݨاوݨ کیتے سارے وسائل کم اچ گھن آسن ، انہاں دا آکھݨ ہا جو ہسپتالاں دی کاکردگی کوں میں خود مانیٹر کریندا رہساں ۔
