لاہور۔2جنوری(اے پی پی)وزیر اعظم دے نمائندہ خصوصی مذہبی ہم آہنگی حافظ محمد طاہر محمود اشرفی آکھیے جو ہٹلر مودی دے دور اچ ہندوستان دیاں اقلیتاں غیرمحفوظ تھی ڳین۔ پنجاب انسٹی ٹیوٹ آف قرآن اینڈ سیرت سٹڈیز اچ متحدہ علما کونسل اتے انٹر فیتھ ہارمنی کونسل ولوں تھیوݨ آلے بین المذاہب ہم آہنگی سیمینار نال خطاب کریندے انہاں آکھیا جو سارے مذاہب دے رہنما اتے مختلف مسلمان مکاتب فکر دے علما کٹھے ٻیٹھن تاں اے اسلامی تعلیمات دا سبق اے، بھارت اچ اقلیتاں مسلسل مودی سرکار دا ظلم و ستم سہندیاں پین ڄیڑھا قابل مذمت اے، ڄق کوں ایندا نوٹس ڳھنݨا چاہیدے جو بھارت اچ اقلیتاں دے معاملات سھاریے ونڄ سڳن، انہاں آکھیا جو چرچ دا ساڑیا ونڄݨ اتے مسیتاں کوں ݙھواوݨ ہکو ڄھیاں جرم اے اتے بین الاقوامی سطح تے مودی دے مظالم روکݨ کتیے الاوݨا چاہیدے۔
