اسلام آباد۔30اگست(اے پی پی)وزیر خارجہ مخدوم شاہ محمود قریشی آکھیے جو افغانستان اچ امن نال وسط ایشیائی ملکاں نال ساݙے تجارتی و اقتصادی روابط تیز تھیسن، حکومت بیرون ملک مقیم پاکستانیاں دی بھلائی اتے مسلے تیکھے حل کرݨ کیتے ودھ کم کریندی پئی اے۔ اے ڳالھ انہاں وزارت خارجہ اچ اقتصادی سفارت کاری اجلاس دی صدارت کریندے آکھی۔ اجلاس اچ سیکرٹری خارجہ سہیل محمود، سپیشل سیکرٹری رضا بشیر تارڑ اتے وزارتِ خارجہ دے سینئر افسران سودھا ترکمانستان، آزربائیجان، کرغزستان ،تاجکستان ،ازبکستان ،سری لنکا، بنگلہ دیش، نیپال،مالدیپ ،برونائی اچ پاکستانی سفیراں نال ویڈیو لنک خطاب اچ آکھی۔ انہاں آکھیا جو ساݙی ودھ توجہ جغرافیائی اقتصادی ترجیحات تے اے جیندے کیتے “اقتصادی سفارت کاری” کوں موثر ٻݨایا ویسی، میݙی وسط ایشیائی ممالک دی قیادت نال ملاقاتاں چنڳیاں رہین، امید اے جو افغانستان اچ امن نال وسط ایشیائی ممالک نال پاکستان دے تجارتی و اقتصادی روابط ودھ تکڑے تھیسن اتے ایندے اچ ٻئی تیزی آسی۔
