اسلام آباد۔1اکتوبر(اے پی پی)وزیراعظم محمد شہباز شریف پاکستان توں بینائی توں محروم کرݨ آلی بیماری ”ٹریکوما” دے مکݨ دے اعلان کون وݙی کامیابی قرار ݙیندے آکھیے جو ویلھے تے علاج اتے مناسب احتیاطی تدابیر نال کروڑاں لوکاں دیاں زندگیاں بچ گئن، حکومت، این جی اوز، ماہرین اتے ڈبلیو ایچ او سوسھا سارے اداریاں دی کوششاں نال اے کامیابی ملی اے، اینڄھیاں ک??ھیاں ک??ششاں نال ہر شعبہ اچ کامیابی ڳھدی ونڄ سڳدی اے۔ اے ڳالھ انہاں پاکستان کوں ٹریکوما فری ملک قرار ݙیوݨ بارے تقریب نال خطاب اچ آکھی۔ ٹریکوما اینڄھی بیماری اے جیڑھی کلیمائڈیا ٹریکومیٹیس بیکٹیریم دے انفیکشن نال تھیندی اے، ویلھے تے علاج نہ کریڄے تاں مستقل اندھا پن تھی سڳدے۔
عالمی ادارہ صحت (ڈبلیو ایچ او) پاکستان توں ٹریکوما دے مکمل خاتمہ دا اعلان کیتے۔ ڈبلیو ایچ او “ٹریکوما فری کنٹری” دا خط وزیراعظم کوں ݙتے جو پاکستان ایں تاریخی سنگ میل تئیں پڄݨ آلا عالمی سطح تے 19 واں ملک اے۔ وزیراعظم عالمی ادارہ صحت دے اعلان کوں خوش آئند قرار ݙیندے امید کیتی اے جو اے بیماری ولا کݙاھیں ملک اچ نا آسی، احتیاطی تدابیر ورتݨیاں چاہیدن، پولیو مکاوݨ وی ضروری اے، پاکستان ا?? ہیپاٹائٹس مریضاں دی ودھ تعداد اے، پنجاب اچ اچ ایندا مؤثر علاج تھیندے، ایں سانڳے پنجاب سودھا سارے صوبیاں اچ کم تھیندا پئے جیندے کیتے وفاقی حکومت پورا ہتھ ونݙیسی۔ انہاں ڈبلیو ایچ او دے عزم دا شکریہ ادا کیتے۔ وزیراعظم آکھیا جو اساں اینڄھیاں ک??ششاں نال پاکستان کوں ہر شعبے اچ کامیاب کرا سڳدے ہیں، ساکوں اپݨے آپ کوں انہاں چی??نج?? کیتے تیار کرݨا ہوسی، اپݨی تکنیکی صلاحیتاں اتے مہارتاں دی دستیابی یقینی ٻݨاوݨی ہوسی، محکمیاں، افسران، ڈاکٹر اتے فیلڈ افسران سودھا سارے ہک مٹھ تے کم کریسن تاں ٹریکوما آلی کار ہر شعبے اچ کامیابی مل سڳدی اے۔
