اسلام آباد۔18اپریل (اے پی پی):وزیراعظم محمد شہباز شریف ??کھیے پاکستان اچ سعودی سرمایہ کاری تجارتی و سٹرٹیجک شراکت داری دے نویں دور دا آغاز اے، سعودی سرمایہ کاری توں منصوبیں دی خود نگرانی کریساں۔ بین الاقوامی سرمایہ کاری دے منصوبیں دے حوالے نال کہیں وی قسم دی لاپرواہی قبول کائنی ،بین الاقوامی سرمایہ کاری دے منصوبیں کوں توڑ پڄاوݨ سانڳے عالمی شہرت یافتہ ماہرین دی خدمات ڳھدیاں ویسن ۔ سرمایہ کاری بورڈ، ایس آئی ایف ??ی اتے متعلقہ وزارتاں سعودی وفد وچال مذاکرات اچ طے ش??ہ منصوبیں دی تکمیل سانڳے لائحہ عمل تشکیل ݙیون۔ وزیراعظم میڈیا دفتر بیان موجب اے ڳالھ انہاں سعودی وفد دے اڄوکے دورے تے پاکستان اتے مختلف شعبیں اچ سعودی سرمایہ کاری دے حوالے نال اعلیٰ سطح دے جائزہ اجلاس دی صدارت کریندے ہوئیں آکھی اے ۔ اجلاس اچ وفاقی وزراء محمد اسحاق ڈار، خواجہ محمد آصف، جام کمال خان، احد خان چیمہ، عطاء اللہ تارڑ، رانا تنویر حسین، احسن اقبال، سالک حسین چوہدری، سردار اویس خان لغاری، عبدالعلیم خان، ڈاکٹر مصدق ملک، وزیرِ مملکت شزہ فاطمہ خواجہ، معاون خصوصی طارق فاطمی، ڈپٹی چیئرمین پلاننگ کمیشن محمد جہانزیب خان، ارکان قومی اسمبلی بلال اظہر کیانی، رومینہ خورشید عالم، وزیراعظم دے کوارڈینیٹر رانا احسان افضل اتے متعلقہ اعلی حکام شرکت کیتی۔ اجلاس کوں مختلف شعبیں اچ سعودی وفد دی سرمایہ کاری اچ دلچسپی اتے پاکستان دی طرفوں منصوبیں دی پیشکش دے حوالے نال ݙسایا ڳئے ۔ اجلاس کوں ݙسایا ڳئے جو ݙوہیں ملکاں وچال مذاکرات اچ کان کنی و معدنیات، زراعت، توانائی، انفارمیشن ٹیکنالوجی اتے انفراسٹرکچر دی ترقی دے شعبیں اچ سرمایہ کاری تے ڳالھ مہاڑ تھئی ۔
.jpg)
