اسلام آباد – 23 آڪٽوبر (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته عدالت کي گهربل جوابدار نواز شريف کي برطانيه کان واپس آڻڻ جي لاءِ قانوني ۽ سفارتي ذريعا استعمال ڪري رهيا آهيون، 15 جنوري 2021ع تائين محمد نواز شريف ڪوٽ لکپت يا ڪنهن ٻي جيل ۾ هوندو، ڪرپشن زده مخالف ڌر جي اصل جاءِ جيل آهي، سنڌ واقعو هڪ ڊرامو آهي، حقيقت ۾ ن ليگ ۽ پيپلزپارٽي پاڻ ۾ گيم ڪري رهيون آهن، ڪيپٽن صفدر گرفتاري جي وڊيو فوٽيج سنڌ حڪومت ۽ مسلم ليگ (ن) جي ڪيترن ئي دعوائن ۽ سفيد ڪوڙ تي پاڻي ڦيري ڇڏيو، دروازو ٽوڙڻ، ڇڪتاڻ يا زبردستي ڪٿي به نظر نه آئي، انهن جي سياست ختم ٿي وئي، مسلم ليگ ?? ورهائجي رهي آهي، رٽائرڊ ڪيپٽن محمد صفدر جي گرفتاري سنڌ حڪومت ۽ پوليس جو معاملو آهي، پيپلزپارٽي جو ڪردار ڄاڻون ٿا، 18 هين ترميم جو مقصد به واضح ٿي چڪو آهي ته اهو وفاق کي ڪمزور ڪرڻ چاهين ٿا، پيپلزپارٽي ۽ مسلم ليگ (ن) جي سياست ڪوڙ، منافقت ۽ رياڪاري تي ٻڌل آهي، مريم نواز جي چهري تي اڄ پريشاني ۽ بوکلائٽ جو آثار نمايان هئا. هو پي آءِ ڊي ۾ پريس ڪانفرنس کي خطاب ڪري رهيو هو، وفاقي وزير شبلي فراز چيو ته ميڊيا چئنلز تي ڪراچي ۾ رٽائرڊ ڪيپٽن صفدر جي گرفتاري جي سي سي ٽي وي فوٽيج نشر ٿي آهي، ان فوٽيج ۾ انهن جي دعويٰ موجب ٽٽل دروازو نه ڏيکاريو وي??، فوٽيج موجب محمد صفدر اطمينان سان پوليس جي حراست ۾ هو، مريم صفدر جي حوارين ڪيترائي ڀير چادر ۽ چارديواري جي تحفظ جو ذڪر ڪيو، اهي ماڻهو وساري وي??ا آهن ??ه هنن پنهنجي دور ۾ ماڊل ٽائون واقعي ۾ عورتن سان ڪهڙو سلوڪ ڪيو، انهن ماڻهن طرفان محترمه بينظير ڀٽو جي ڪردار ڪشي سان سڀ واقف آهن.
