اسلام آباد۔9اگست(اے پ?? پی) پاکستان آکھیے او اقوام متحدہ دی سلامتی کونسل دیاں قرارداداں موجب جھیڑا جموں و کشمیردے منصفانہ تے پرامن حل سانڳے کشمیریاں دی سیاسی، سفارتی اتے اخلاقی حمایت جاری رکھیسی۔ اے ڳالھ دفتر خارجہ دی ترجمان ممتاز زہرہ بلوچ پریس بریفنگ اچ آکھی ۔انہاں آکھیے اڄوکے ہفتے دے شروع اچ پاکستان دے عوام اتے حکومت اپݨے کشمیری بھرا ??ے بھیݨاں نال یکجہتی دے طور ??ے بھارت دے غیر قانونی طور تے قبضے وچ جموں و کشمیر اچ بھارت دے 5 اگست 2019 دے غیر قانونی اتے یکطرفہ اقدامات دے پنج سال پورے تھیوݨ تے ”یوم استحصال “ منائے۔ ترجمان آکھیےنائب وزیراعظم تے وزیر خارجہ محمد اسحاق ڈار اقوام متحدہ اتے اسلامی تعاون تنظیم دی قیادت کوں خط لکھ تے انہاں دی توجہ 5 اگست 2019 توں بھارتی اقدامات دے سنگین نتیجے دے پاسے کرائی تے ایں ڳالھ تے زور ݙتے جو او اقوام متحدہ دی سلامتی کونسل دیاں قرارداداں موجب جموں و کشمیر دے لوکاں کوں آپݨے مستقبل دا خود فیصلہ کرݨ دا موقع ݙتا ونڄے
