اسلام آباد۔25اکتوبر (اے پی پی):وزیر داخلہ شیخ رشید احمد آکھیے جو بھارت دے خلاف ٹی 20 ورلڈ کپ اچ پاکستان دی تاریخی ??تح تے جاڑے شہراں اچ بھر پور جشن ??تے بھارت اچ آپݨے کرکٹر دے گھراں تے پتھرائو تھئے، قوم کوں تاریخی ??تح تے مبارخ ݙیندان ، ملکی تاریخ اچ پہلی واری قوم کوں اتنی وݙی خوشی ملی اے،کالعدم تحریک لبیک پاکستان دے نال معاملات خوش اسلوبی نال حل کرݨ چاہندوں ، سارے معاملات کوں ٻدھ کوں کابینہ اجلاس اچ رکھیسوں ، افغان شہریاں کیتے ویزہ فیس تے آن لائن ویزا سروس ختم کرݙتی ڳئی اے ۔ سنوار کوں وزارت داخلہ اچ پریس کانفرنس توں خطاب کریندے ہوئیں انہاں آکھیے جو گزریل ݙینھ بھارت دے خلاف ٹی ٹونٹی ورلڈ کپ دا کھیݙیا ڳٰا میچ صرف کرکٹ نہ ہئی بلکہ کرکٹ پلس ہئی ۔ جیویں بھارتی عوام آپݨے کرکٹر دے گھراں تے پتھرائو کیتے ایندے برعکس پاکستانی قوم بابراعظم ، رضوان ??تے شاہین آفریدی کیتے نیک تمناواں دا اظہار کیتے ??تے ٹیم دی کامیابی دا جشن بھرپور طریقے نال منائے ۔ اساں جاڑے شہراں اچ پہلے ہی کنٹینر ہٹا ݙتے ہن تاں جو اتھاں دے شہری ایں تاریخی کامیابی دا جشن بھرپور طریقے نال منا سڳن ۔ اے پاکستان دی کرکٹ دے میدان اچ ٻہوں وݙی ??تح اے۔ بھارت کوں 10 وکٹاں نال شکست تھئی اے ۔ وزارت داخلہ ??تے وزارت خارجہ دے حکام کابل توں آئے لوکاں نال تفصیلی ملاقات کیتی اے ایں ویلے چمن بارڈر بند اے۔ طورخم توں لوکاں کوں سہولت ݙتی ویندی پئی اے ۔ افغان بیمار شہریاں کوں علاج معالجے کیتے آوݨ دی اجازت ݙتی ڳئی اے ۔ ھک ݙینھ اچ 10 ہزار پاسپورٹ جاری کیتے ڳئن ۔ کہیں وی شہر توں پاسپورٹ ڳھدا ونڄ سڳدے ۔ وفاقی دارالحکومت اسلام آباد اچ 1122 سروس ، فروٹ بازار ??تے تریمتاں کیتے بازار لیندے پیوں ۔ وزیر داخلہ آکھیے جو ٹی ایل پی دے نال معاملات چنڳے طریقے حل کرݨ چاہندوں ۔ سعد رضوی دے نال لاہور اچ ملاقات کیتی اے تے انہاں کوں ݙسائے جو پاکستان دیاں تنظیماں تے بین الاقوامی اداریں دی نظر اے۔ فرانس یورپی یونین دا کرتا دھرتا اے ??تے پاکستان اسلامی دنیا دی ھک ایٹمی قوت اے ??تے دنیا دی اساں تے نظر اے ۔ دشمناں دی رال ٹپکدی پئی اے انہاں آکھیے جو بھن تروڑ غیر قانونی ہوندے ٹی ایل پی نال مذاکرات چنڳے رہین ۔
