اسلام آباد۔10اکتوبر (اے پی پی) صدر مملکت آصف علی زرداری 10 اتے 11 اکتوبر کوں ترکمانستان دا دورہ کریسن۔ ترجمان دفترخارجہ توں جاری بیان موجب صدر مملکت اشک آباد اچ تھیوݨ آلے ” وقت اتے تہذیب دے آپسی تعلقات۔ امن تے ترقی دی بنیاد” دے موضوع تے بین الاقوامی فورم اچ شرکت کیتے ترکمانستان دا دورہ کریسن۔ بین الاقوامی فورم دا انعقاد ترکمانستان دے عظیم مفکر، شاعر اتے فلسفی مگتیمگلی فراگی دے 300 ویں یوم پیدائش دے موقع تے کیتا ویندا پئے۔ بیان موجب فورم اچ صدر آصف علی زرداری خطے کیتے امن، اتحاد اتے ترقی دی اقدار دی اہمیت کوں اجاگر کریسن۔
