اسلام آباد۔8مئی(اے پی پی):وفاقی وزیر اطلاعات و نشریات عطاءاللہ تارڑ ہالی وڈ پروڈکشن ٹیم دی طرفوں پاکستانی ثقافت تے انٹرنیشنل فلم دی تیاری کوں چنڳاں سمجھدے ہوئیں آکھیے جو پاکستان ھک عظیم ثقافتی ورثہ رکھݨ آلا ملک اے ، ساݙی تاریخ، ادب، موسیقی اتے فن پوری دنیا اچ وکھرا تے قابل تعریف اے ۔ ہالی وݙ پروڈکشن ٹیم دی طرفوں پاکستانی ثقافت تے فلم دنیا کوں پاکستان دا سوہݨپ تے تنوع ݙیکھݨ دا نواں موقع ݙیسی ۔پاکستان اچ فلم واحد صنعت اے جیڑھی ٹیکس فری اے۔ اے ڳالھ انہاں ہالی و ڈ پروڈکشن ٹیم دے ارکان نال ملاقات اچ آکھی اے ۔ ملاقات اچ پاکستانی ثقافت تے بݨائی ونڄݨ آلی فلم دی تیاری سودھے ملک دے عظیم ثقافتی ورثے اتے تاریخ دے حوالے نال ڳالھ مہاڑ تھئی ۔ وفاقی وزیر اطلاعات ہالی و ڈ پروڈکشن ٹیم کوں ملک اچ فلم دے شعبہ اچ تھیوݨ آلی پیشرفت دا ݙسائے۔ انہاں آکھیے ہالی و ڈ پروڈکشن ٹیم دا شکریہ ادا کرݨ چاہنداں جو انہاں پاکستانی ثقافت تے فلم دی تیاری دا انتخاب کیتے، اے ساݙی ثقافت اتے لوکاں سانڳے ٻہوں وݙا اعزاز اے ۔ وفاقی وزیر آکھیے پاکستان ھک عظیم ثقافتی ورثہ دا حامل ملک اے، ساݙی تاریخ، ادب، موسیقی اتے فن دنیا اچ منفرد اتے قابل تعریف ہن، اساکوں یقین اے جو اے فلم دنیا کوں پاکستان دا سوہݨپ تے تنوع ݙیکھݨ دا نواں موقع ݙیسی ۔
