لاہور ۔27اپریل (اے پی پی) وزیراعظم محمد شہباز شریف عالمی اقتصادی فورم دے خصوصی اجلاس اچ شرکت کیتے سعودی عرب دے دارالحکومت ریاض کیتے روانہ تھی ڳئے۔ چھݨ چھݨ کوں وزیراعظم دے میڈیا ونگ توں جاری بیان موجب وزیر اعظم محمد شہباز شریف 28 توں 29 اپریل 2024 تئیں تھیوݨ آلے عالمی تعاون، ترقی اتے توانائی بارے عالمی اقتصادی فورم دے خصوصی اجلاس اچ شریک تھیسن۔ ایں دورے دی دعوت ولی عہد محمد بن سلمان بن عبدالعزیز السعود اتے وزیراعظم سعودی عرب اتے پروفیسر کلاؤس شواب، عالمی اقتصادی فورم دے بانی اتے ایگزیکٹو چیئرمین ݙتی ہئی۔ وزیر خارجہ محمد اسحاق ڈار اتے وزیر خزانہ محمد اورنگزیب سودھے اعلیٰ سطح دا وفد وی وزیراعظم نال ہوسی۔ وزیر اعظم اتے وزراء تجارت اتے سرمایہ کاری دے اقدامات، سرمایہ کاری دے نویں فریم ورک، سپلائی چین دی تنظیم نو، پائیدار ترقی، اتے توانائی دے منظر نامے بارے مسئلیاں تے ڈبلیو ایم ایف دی ڳالھ مہاڑ اچ شریک تھیسن۔
