اسلام آباد۔21ستمبر(اے پی پی) نگراں وفاقی وزیر آئی ٹی و ٹیلی کمیونیکیشن ڈاکٹر عمر سیف موبائل فون سروسز ݙیوݨ آلیاں کمپنیاں کوں آکھیے جو آندے کجھ مہینے اچ فائیو جی ٹیکنالوجی دی نیلامی کرݙتی ویسی ۔اے ڳالھ انہاں خمیس کوں جاز دے سی ای او عامر ابراہیم نال آپݨے دفتر اچ ملاقات اچ آکھی اے ۔ڈاکٹر عمر سیف آکھیے فائیو جی آکشن اڳلے کجھ مہنے اچ کرݨ ویندے پیوں ، ملک اچ بہتر ٹیلی کام سروسز ݙیوݨ کیتے اقدامات کریندے پیوں ، صارفین کوں محدود بینڈوڈتھ آفر دی وجہ توں چنڳی سروس نی ملدی ، فائیو جی توں صارفین کوں بہتر اتے معیاری ٹیلی کام سروسز ملسی ۔ایں توں پہلے ڈاکٹر عمر سیف سی ای او یو فون اتے زونگ نا وی انڄ انڄ ملاقاتاں کتن ۔ سیلولر کمپینیاں دے سی ای اوز نال ملاقاتاں دا مقصد ٹیلی کام کمپنیاں کوں فائیو جی آکشن دی تیاری بارے ݙساوݨ اے تے مارکیٹ کوں فائیو جی آکشن کیتے تیار کرݨا اے ۔
