اسلام آباد۔11ستمبر(اے پی پی) سپیکر قومی اسمبلی راجہ پرویز اشرف پشاور اچ ورسک روڈ تے سکیورٹی فورسز دی گاݙی دے نیڑے دھماکے تے اظہار تشویش کریندے ہوئیں سارے متاثرہ لوکاں دی صحت کیتے دعا منگی اے ۔ آپݨے سنھیے اچ انہاں آکھیے دشمن عناصر دی طرفوں دہشت گردی دے واقعات قابل مذمت ہن۔ایہو سویں واقعات پاکستانی عوام تے سکیورٹی فورسز دے ملک دی بقا تے سلامتی دے عزم کوں نی تروڑ سڳدے ۔پاکستان ہمیشہ ڈٹ تے دہشت گردی دا مقابلہ کیتے اتے اڳوں وی ایویں کریندا رہسی ۔ ملک دشمن اتے سازشی عناصر پہلے وی ناکام تھئن تے اڳوں وی ناکام تھیسن
