اسلام آباد۔6ستمبر (اے پی پی) چھل متاثرین کیتے اقوام متحدہ دے ادارہ برائے پناہ گزین ولوں امدادی سامان ڳھن تے ٻئی ݙو پروازاں کراچی پڄ ڳئن۔ دفتر خارجہ دے مطابق انہاں پروازاں اچ آوݨ آلے امدادی سامان اچ چھل متاثرین کیتے خیمے اتے ٻئیا امدادی سامان شامل اے۔ ہوائی اڈے تے متحدہ عرب امارات دے قونصلیٹ، یو این ایچ سی آر اتے وزارت خارجہ دے نمائندیاں پروازاں دا استقبال کیتا۔ ترجمان آکھیا جو اساں پاکستان اچ چھل توں متاثر لوکاں کیتے اقوام متحدہ دے پناہ گزیناں دے ادارے ولوں انسانی امداد دا خیر مقدم کریندوں۔
