اسلام آباد۔12جولائی (اے پی پی) وزیراعظم محمد شہبازشریف کنڑک اتے ٻئی فصلاں دی پیداوار اچ ودھارے کیتے موثر اقدامات کرݨ، ویٹ بورڈ اچ کساناں ، لینڈ انفارمیشن اینڈ مینجمنٹ سسٹم اتے سپارکو دےنمائندیاں کوں شامل کرݨ، پاسکو دی نجکاری دا لائحہ عمل ٻݨاوݨ دی ہدایت کیتی اے۔ وزیراعظم آفس دے میڈیا ونگ توں جاری بیان موجب اے ہدایت وزیراعظم جمعے کوں آپݨی صدارت وزارت قومی غذائی تح??ظ تے تحقیق اتے پاسکو بارے تھیوݨ آلے اجلاس اچ آکھی۔ اجلاس اچ وفاقی وزیر اقتصادی امور احد خان چیمہ ، وفاقی وزیر خزانہ تے محصولات محمد اورنگزیب، وفاقی وزیر قومی غذائی تحفظ و تحقیق رانا تنویر حسین ،وفاقی وزیر اطلاعات و نشریات عطاء اللہ تارڑ ، وزیر مملکت برائے خزانہ تے محصولات علی پرویز ملک ،ڈپٹی چیئرمین پلاننگ کمیشن جہانزیب خان، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسرشریک تھیے۔ اجلاس اچ ویٹ (Wheat) بورڈ دی ری اسٹرکچرنگ دی منظوری ݙتی ڳئی۔ وزیراعظم ہدایت کیتی جو کنڑک اتے بئی فصلاں دی پیداوار اچ ودھارے کیتے موثر اقدامات کیتے ونڄن اتے ویٹ بورڈ اچ کساناں دے نمائندیاں کوں شامل کیتا ونڄے۔ انہاں ویٹ بورڈ اچ لینڈ انفارمیشن اینڈ مینجمنٹ سسٹم اتے سپارکو دے نمائندیاں کوں شامل کرݨ اتے پاسکو دی نجکاری بارے لائحہ عمل ٻݨاوݨ دی ہدایت وی کیتی۔ وزیراعظم حکم ݙتا جو وفاقی حکومت کنڑک ڳھنݨ بارے متبادل حکمت عملی ٻݨاوے اتے ایں بارے گلگت بلتستان ، آزاد کشمیر سودھے صوبائی حکومتاں اتے ٻئے متعلقہ اداریاں نال مشورہ کیتا ونڄے۔ اجلاس کوں وییٹ بورڈ دی ری اسٹرکچرنگ اتے ٹی او آرز، کنڑک اتے ٻئی فصلاں دی پیداوار ودھاوݨ اتے پاسکو اچ ا??لا??ات بارے وی بریفنگ ݙتی ڳئی۔
