اسلام آباد۔8دسمبر(اے پی پی)وزیر اعظم دے نمائندہ خصوصی برائے مشرق وسطی و مذہبی ہم آہنگی حافظ طاہر محمود اشرفی آکھیے جو ایں ڳالھ تے ہر کہیں اچ اتفاق اے جو کہیں کوں وی توہین رسالت یا توہین مذہب دے ناں تے قانون ہتھ اچ ڳھنݨ دی اجازت نہ ݙتی ویسی، جمعہ کوں مسلمان اتے آݙت کوں مسیحی برادری سری لنکن شہری دی ہلاکت دے خلاف یوم مذمت منیسن۔ اسلام آباد اچ پریس کانفرنس کریندے انہاں آکھیا جو سانحہ سیالکوٹ سانڳے جمعہ کوں یوم مذمت منایا ویسی اتے لوکاں کوں ݙسیسوں جو توہین ناموس رسالت کیا اے؟ ساݙی درخواست تے سری لنکن حکومت کرونا نال مرݨ آلے مسلماناں کوں دفن کرݨ دی اجازت ݙتی ہئی بھل ساݙے مسلماناں ہک جیندے سری لنکن شہری کوں ساڑ تے سری لنکا ٻھیڄ ݙتے اے شرم دی ڳالھ اے، ملی یکجہتی کونسل اتے پاکستان علماء کونسل ضابطہ اخلاق اچ آکھیے جو لوک، میڈیا، وکلا اتے تاجراں سودھا ہر کہیں دی اے ذمہ داری اے جو دینی تشخص خراب کرݨ اتے اپݨے مذموم مقاصد سانڳے ماحول خراب کرݨ آلیاں دے خلاف رل تے کھڑسوں جو اڳو تے اینڄھے واقعے نہ تھیون۔
.jpg)
