اسلام آباد۔11نومبر (اے پی پی):پاکستان دی حکومت اتے عوام ممتاز فلسطینی رہنما اتے مذاکرات کار ڈاکٹر صائب عریقات دے انتقال تے ݙکھ دا اظہار کریندے ہوئیں آکھیے جو ڈاکٹر صائب عریقات دی امن اور انسانی حقوق کیتے ودھ ساری جدوجہد کوں ہمیشہ یاد رکھیا ویسی۔بدھ کوں ترجمان دفتر خارجہ موجب پاکستان ڈاکٹرصائب عریقات دے انتقال تے ݙکھی خاندان نال ہمدردی تے تعزیت دا اظہارکیتے اتے آکھیے جو اساں اپݨے فلسطینی بھراواں دے ݙکھ وچ برابر دے شریک ہوں تے اوکھے ویلھے انہاں دے رلے کھڑوں ۔ڈاکٹر صائب عریقات فلسطینی کاز دےچیمپین ہن جیرھے جو حق خود ارادیت کیتے فلسطینی عوام دی جائز جدوجہد کیتے سرگرداں رہیے۔ امن اتے انسانی حقوق کیتے انہاں دی جدوجہد کوں ہمیشہ یاد رکھیا ویسی ۔پاکستان مسئلہ فلسطین دے حل کیتے اپݨی مستقل حمایت دا اعادہ کریندے ہوئیں آکھیے جو اوفلسطین دے نال اپݨے برادرانہ تعلقات کوں مزید مستحکم کرݨ کیتے پرعزم اے ۔
.jpg)
