راولپنڈی۔ یکم اپریل (اے پی پی) بری فوج دے سربراہ جنرل قمر جاوید باجوہ آکھیے جو مسلح فوج قوم دے رلے کورونا نال لڑنڑ کیتے پرعزم اے ‘ کورونا نال نبڑنڑ کیتے قومی کوششاں اچ کوئی کسر نہ چھوڑیسوں۔ملک دے کہیں طبقے کوں کورونا دے رحم و کرم تے نئی چھوڑ سگدے ،عوام دے تحفظ کیتے ضروری اقدامات کیتے ویندے پئن ۔او بدھ کوں نیشنل کمانڈ اینڈ کنٹرول سینٹر اچ کرونا وائرس دے معاملے تے بریفنگ اچ گال مہاڑ کریندے پئے ہن ۔ پاک فوج دے شعبہ تعلقات عامہ (آئی ایس پی آر) دے مطابق نیشنل کمانڈ اینڈ کنٹرول سینٹر اچ کورونا وائرس دے معاملے تے بریفنگ تھئی جیں اچ آرمی چیف جنرل قمر جاوید باجوہ خصوصی شرکت کیتی۔وزیر خارجہ شاہ محمودقریشی ‘ وزیر منصوبہ بندی‘ترقی ‘اصلاحات‘ خصوصی اقدامات و فوکل پرسن برائے کویڈ 19کیتے قومی کوششاں اسد عمر ‘ وفاقی وزیر داخلہ بریگیڈئیر اعجاز احمد شاہ، وفاقی وزیر اقتصادی امورمحمد حماد اظہر ‘وفاقی وزیر مواصلات مراد سعید ، وفاقی وزیر ہوابازی غلام سرور خان‘ وفاقی وزیر غذائی تحقیق خسرو بختیار ، وفاقی وزیر سمندری امور علی زیدی ‘ وزیراعظم دے مشیر خزانہ ڈاکٹر عبد الحفیظ شیخ ‘ وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان ‘ وزیراعظم دے معاون خصوصی صحت ڈاکٹر ظفر مرزا ‘ وزیراعظم دے معاون خصوصی قومی سلامتی معید یوسف ‘ وزیراعظم دی معاون خصوصی تخفیف غربت و سماجی تحفظ ثانیہ نشتر اتے سینئر فوجی حکا م وی بریفنگ اچ موجود ہن ۔ شرکاءکوں کویڈ 19تے قابو پاونڑ کیتے کوششاں تے اقدامات اتے ملک اچ کرونا وائرس دی تازہ ترین صورتحال اتے پورے ملک اچ سول انتظامیہ دی امداد کیتے فوجی نینگراں دی تعیناتی بارے ڈسایا گیا ۔ پاک فوج دے سربراہ جنرل قمر جاوید باجوہ اپنڑے خطاب اچ آکھیے جو پاک فوج دے نینگر ملک دے ہ?? کونے اچ ضرور پجن ۔ ہر شہری تئیں رسائی دا مقصد وباءتوں محفوظ بنڑاونڑ تے اوکھے ویلھے انہاں دی زندگی اچ بہتری گھن آونڑیں اے۔نیشنل کمانڈ اینڈ آپریشن سینٹر(این سی او سی) ون ونڈو آپریشن دے طور تے کم کریندا پئے جیں دامقصد کوویڈ19دے خلاف قومی کوششاں کوں ہم آہنگ کرنڑاں اے ‘ قومی سلامتی کمیٹی تے قومی رابطہ کمیٹی دے فیصلیں تے عمل درآمد یقینی بنڑاونڑ اے ۔کمانڈر آرمی ایئر ڈیفنس کمانڈ ، لیفٹیننٹ جنرل حمود الزمان خان کوں چیف کوآرڈینیٹر نیشنل کمانڈ اینڈ آپریشن سینٹر نامزد کر ڈتا گئے۔
.jpg)
.jpg)
