اسلام آباد – 03 آگسٽ (اي پي پي) وفاقي حڪومت والاريل ڄمون ۽ ڪشمير جي غاصباڻي قبضي ۽ گهيراءُ جو هڪ سال م??مل ٿيڻ تي خصوصي يادگار ٽڪلي جاري ڪري ڇڏي آهي، ان خصوصي يادگار ٽڪلي جاري ڪرڻ جو مقصد ڄمون ۽ ڪشمير ۾ جاري ڀارت جي انسانيت دشمن سرگرمين ۽ ڄمون ۽ ڪشمير جي مسلمانن تي ڪيل ظلمن ۽ انساني حقن جي خلاف ورزين کان دنيا کي آگاهه ڪرڻ آهي. اطلاعات ۽ نشريات وارو وفاقي وزير سينيٽر شبلي فراز ۽ پوسٽل سروسز ۽ مواصلات وارو وفاقي وزير مراد سعيد پي آءِ ڊي ۾ گڏيل پريس ڪانفرنس کي خطاب ڪري رهيا هئا. اطلاعات ۽ نشريات واري وفاقي وزير سينيٽر شبلي فراز چيو ته پاڪستان پوسٽ پاران جاري ٿيندڙ يادگار ٽڪلي ڪشميرين سان يڪجهتي جي اظهار جي پهرين ڪڙيءَ آهي، ان يادگار ٽڪلي جو مقصد دنيا کي اهو باور ڪرائڻ آهي ته ڪيئن ڀارت ڪشمير جي معصوم ع??ام تي ظلم ۽ ڏاڍ جو راڄ قائم ڪيو آهي، ان جي هي عڪاسي ڪري ٿو، اها يادگار ٽڪلي سڄي دنيا ۾ ويندي ماڻهن کي احساس ٿيندو ته ڀارت ڪشميري عوام تي ڪهڙِ طرح ظلم ۽ ڏاڍ جو طوفان برپا ڪري رکيو آهي، وزيراعظم ع??ران خان جي گڏيل قومن جي تقرير سان شروع ٿيندڙ سفر ڪشمير جي آزادي جي تحريڪ کي هڪ نئين روح ڦوڪي آهي، وزيراعظم ع??ران خان جهڙي طرح چيو ته هو ڪشمير جو سفير ۽ وڪيل بڻجي اهو ڪيس وڙهندو، اهو سفر اڃا جاري آهي. هن چيو ته 5 آگسٽ تي ڀارت جي غيرقانوني قبضي ٿيل ڪشمير ۾ ٻي??ر ظلم ۽ ڏاڍ جي انتها ڪري ڇڏي آهي.
.jpg)
.jpg)