اسلام آباد۔4نومبر(اے پی پی) سپیکر قومی اسمبلی راجہ پرویزاشرف میانوالی اچ پاکستان ایئرفورس دے ٹریننگ ائیربیس تے دہشتگرداں دے حملے دی مذمت کیتی اے ۔ ہفتے کوں جاری بیان اچ سپیکر قومی اسمبلی میانوالی ایئرفورس ٹریننگ ایئربیس تے دہشتگرداں دے حملے کوں ناکام بݨاوݨ تے سکیورٹی فورسز کوں خراج تحسین پیش کیتے۔ انہاں آکھیے دہشتگرد اپݨے مذموم مقاصد دی تکمیل کیتے بزدلانہ کارروائیاں دا سہار گھندے پئن ، دہشتگردی اتے انتہا پسندی دے واقعات اچ تکھے دشمن دے ناپاک عزائم واضح ہن۔انہاں آکھیے ساݙی مسلح افواج دہشتگردی مکاوݨ کیتے پر عزم اے۔