اسلام آباد۔19مئی(اے پی پی):وزیر دفاع خواجہ محمد آصف آکھیے پاکستان اچ سیاسی بحران ضرور اے لیکن ٻہوں وختی ایندے تے قابو پا ڳھدا ویسی ، 9 مئی کوں راولپنڈی، میانوالی تے لاہور اچ پرتشدد واقعات اچ پی ٹی آئی دے مسلح جتھیں عسکری تنصیبات تے حملے کیتے ، پاکستان اچ ایندے توں پہلی وی گرفتاریاں تھئن ، میں وی گرفتار تھیا ہامی ، میݙا لیڈر اتے میݙی سیاسی پارٹی دے کئی لوک وی گرفتار تھئے ہن لیکن اساں کݙاہیں وی تشدد دی سیاست نی کیتی ، اساں گرفتاریاں تے کݙاہیں عسکری و سول تنصیبات تے حملے نی کیتے ۔ عالمی نشریاتی ادارے ”الجزیرہ“نال ڳالھ مہاڑ کریندے ہوئیں وزیر دفاع آکھیے عسکری و سول تنصیبات تے حملے کرݨ آلے ملک دے دشمن ہن ، ساݙے سیاسی سیاسی اختلافات ضرور ہن لیکن ایندا مطلب اے کائنی جو سرکاری و عوامی املاک تے حملے کیتے ونڄن ، پی ٹی آئی دے شرپسنداں سوچے سمجھیے منصوبے دے تحت عسکری تنصیبات سودھے عوامی و سرکاری املاک تے حملے کیتے، ایجھا عمل پاکستان دے خلاف جنگ دے مترادف اے۔ انہاں آکھیے جیڑھے لوکاں عسکری تنصیبات، ملٹری بیسز اتے عسکری شخصیات دی رہائش گاہواں تے حملے کیتے انہاں دے ٹرائل آئین اچ ݙتے ڳئے طریقہ کار دے مطابق ملٹری کورٹس دے تحت تھیسن ، اساں نویاں عدالتاں تے نویں قوانین نی بݨیندے پئے ، پہلے توں قوانین موجود ہن ،ایجھے ملزمان کنے ہائی کورٹس اتے پھر سپریم کورٹ اچ اپیل دا حق ہوسی۔
.jpg)
.jpg)
