دبئی۔17فروری (اے پی پی):وزیر خارجہ مخدوم شاہ محمود قریشی آکھیے جو اڄ ساݙی معیشت استحکام دے رستے تے گامزن اتے 5.37 فیصد گروتھ دے نال اڳوں ودھدی پئی اے۔ اساں ٻاہرلے ملک رہݨ آلے پاکستانیاں کوں پاکستان اچ ووٹ دا حق ݙویندے پیوں خمیس کوں دوبئی اچ پاکستانی کمیونٹی توں خطاب کریندے ہوئیں وزیر خارجہ آکھیے جو اتھاں آوݨ دا مقصد ایکسپو 2020 دا وزٹ اتے اتھاں رہݨ آلی پاکستانی کمیونٹی ںال ملاقات وی کرݨی ہئی ، ایندے علاؤہ میݙی آمد دا مقصد متحدہ عرب امارات دی حکومت دے نال اظہار یکجہتی کرݨا وی ہئی ،پچھلے ݙینھاں متحدہ عرب امارات دی سلامتی تے حملہ آور تھیوݨ دی کوشش کیتی ڳئی ، وزیر خارجہ آکھیے جو جیڑھا ملک معاشی طور تے مستحکم نہ ہووے تاں دنیا انہاں دی ڳال کوں سݨدی ضروری اے لیکن توجہ نی ݙیندی ،اساں ایں وجہ توں جغرافیائی اقتصادی ترجیحات تے توجہ مرکوز کیتی اے ۔ساݙی خواہش اے جو اساں آپݨی جغرافیائی پوزیشن کوں بروئے کار گھن آندے ہئیں پاکستان کوں اقتصادی مرکز بݨاوݨ اچ کامیاب تھی سڳوں،حکومت پاکستان، پہلی دفعہ اتفاق رائے نال ھک سیکورٹی پالیسی دا مسودہ سامݨے گھن آئی اے ۔مخدوم شاہ محمود قریشی آکھیے جو ایں سیکورٹی پالیسی، دا محور معاشی استحکام ، آبی تحفظ اتے فوڈ سیکورٹی اے۔انہاں آکھیے جو ساݙے سفارت کاراں کوں اقتصادی سفارت کاری دی ذمہ واری سنبھالݨٰی ہوسی ۔اقتصادی سفارت کاری محض درآمدات، برآمدات تئیں محدود کائنی بلکہ اے ھک جامع تصور اے۔
.jpg)
.jpg)
