اسلام آباد ۔ 4 ستمبر (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو بھارتی جبر توں نجات تے کشمیریاں دی آزادی نوشتہ دیوار اے ، ست دہائیاں اچ مظلوم کشمیریاں دے حق اچ ساریں توں تکڑی تے اچی آواز وزیراعظم عمران خان دی اے جیرھی جو بھارتی ظلم کوں الویندی پئی اے ، نیویارک ٹائمز اچ مضمون ہووے یا امریکہ اچ خطاب او ہر فورم تے کشمیریاں دا مقدمہ لڑدے پن۔ بدھ کوں اپنڑے ٹویٹ اچ ڈاکٹر فردوس عاشق اعوان آکھیے جو وزیراعظم عمران خان دنیا کوں مودی دی فسطائی سوچ اتے ظلم نال عالمی امن کوں لاحق سنگین نتیجے نال خبردار کریندے پن ۔انہاں آکھیے جو سعودی عرب تے امارارت دے وزیر خارجہ دی آمد کشمیریاں کیتے پاکستان دی سفاری کوششاں تے وزیراعظم عمران خان دی ذات تے اعتماد دا اظہار اے ، سعودی تے اماراتی وزراءخارجہ دا کشمیر دی موجودہ صورتحال تے پاکستان آونڑ انہاں دی تشویش دا مظہر اے تے ایں معاملے دے مسلمہ متنازعہ حیثیت دا ہک بیا ثبوت اے ۔انہاں آکھیے جو مہذب دنیا مظلوم کشمیریاں دا ساتھ ڈے تے انسانیت نال اپنڑی وابستگی، احترام اتے انسانیت دے تقدس کوں بچاونڑ اچ کردار ادا کرے ۔
.jpg)
