اسلام آباد۔17 مئی(اے پی پی)وزیراعظم محمد ??ہب??ز شریف آکھیے جو پاکستان صنفی ڈیجیٹل ونڈ کوں گھٹ کرݨ اچ چنگی پیشرفت کیتی اے، جیڑھی جو پوری دنیا اچ دیہاتی تریمتاں اچ تھیوݨ آلی ساریں توں وݙی بہتری اے، اے کامیابیاں پاکستان دی وݙی ڈیجیٹل تبدیلی کوں ظاہر کریندن ، پاکستان رل تے ودھݨ، تریمتاں کوں بااختیار بݨاوݨ کیتے ڈیجیٹل ماحول کوں ودھاوݨ کیتے پکا ارادہ رکھیندے۔ اے ڳالھ وزیراعظم محمد ??ہب??ز شریف ورلڈ ٹیلی کمیونیکیشن اینڈ انفارمیشن سوسائٹی ڈے 2025 دے موق?? تے ہفتے کوں آپݨے سنھیے اچ آکھی۔ وزیراعظم دفتر پریس ونگ توں جاری بیان موجب وزیراعظم عالمی ٹیلی کمیونیکیشن اینڈ انفارمیشن سوسائٹی ڈے دے موق?? تے انٹرنیشنل ٹیلی کمیونیکیشن یونین (آئی ٹی یو) دی قیادت کوں پوری دنیا اچ رل تے برابر ڈیجیٹل ترقی کوں ودھاوݨ تے دلوں مبارکباد پیش کریندے آکھیے جو ایں سال دا موضوع ’’ڈیجیٹل تبدیلی دے معاملیں اچ صنفی برابری کیوں ضروری؟‘‘ فوری ایکشن منگدے، ایں ڳالھ کوں پکا کرݨ کیتے جو تکنیکی ترقی دے فیدے معاشرے دے سارے لوکاں کوں برابر ملن۔ انہاں آکھیے جو پاکستان صنفی ڈیجیٹل ونڈ کوں گھٹ کرݨ اچ چنگی پیش رفت کیتی اے۔ 25-2024 اچ 80 لکھ تریمتاں ودھ موبائل انٹرنیٹ تئیں رسائی حاصل کیتی جیندے نال صنفی فرق 38 فیصد توں گھٹ تھی تے 25 فیصد تھی ڳئے جیڑھا جو پوری دنیا اچ دیہاتی تریمتاں اچ واقع تھیوݨ آلی ساریں توں وݙی بہتری اے، اے کامیابیاں پاکستان دی وݙی ڈیجیٹل تبدیلی دا حصہ ہن۔ وزیراعظم آکھیے جو پاکستان 200 ملین ٹیلی کام سبسکرپشنز، 150 ملین براڈ بینڈ صارفین اتے 2 ملین ایف ٹی ٹی ایچ کنکشنز کوں پار کر ڳئے جݙاں جو ڈیٹا دے استعمال اچ 24.25 فیصد ودھارا تھئے۔ ساݙی موبائل مینوفیکچرنگ اچ 47.46 فیصد ودھارا تھئے اتے ودھ صلاحیت آلی آبدوز کیبلز دے ذریعے بین الاقوامی رابطیں اچ ودھارا تھئے، اڄ پاکستان دا موبائل ایکو سسٹم معیشت اچ 16.7 ارب ڈالر دا حصہ پیندے۔ انہاں آکھیے جو حکومت پاکستان ہک ایجھے ڈیجیٹل ماحول کوں ودھاوݨ کیتے پکا ارادہ رکھیندی اے جیڑھا جو رل تے ودھݨ کوں ودھاوے، تریمتاں کوں بااختیار بݨاوے اتے کہیں کوں پچھوں نہ چھوڑے۔ وزیراعظم محمد ??ہب??ز شریف آکھیے جو ٹارگٹڈ پالیسیاں، مہارت ودھاوݨ دے پروگراماں اتے صنفی حساس ڈیجیٹل انفراسٹرکچر دے ذریعے اساں ایں ڳالھ کوں پکا کریندے پیوں جو تریمتاں اتے ٻالڑیاں ساݙے معاشرے دی ڈیجیٹل تبدیلی اچ ودھ چڑھ تے حصہ گھن سڳن اتے ایندے توں فیدہ چا سڳن۔ وزیراعظم ورلڈ ٹیلی کمیونیکیشن اینڈ انفارمیشن سوسائٹی ڈے 2025 تے سارے ??ٹی?? ہولڈرز توں صنفی ڈیجیٹل تبدیلی کوں ودھاوݨ اتے ہک رل تے بااختیار ڈیجیٹل پاکستان دی تعمیر جاری رکھݨ دی اپیل وی کیتی۔
.jpg)
.jpg)
