اسلام آباد۔27فروری (اے پی پی) الیکشن کمیشن دا نویں صدر مملکت دے چݨاؤ کیتے شیڈول یکم مارچ کوں جاری کرݨ دا اعلان کر ݙتے۔ منگل کوں الیکشن کمیشن توں جاری پریس ریلیز موجب الیکشن کمیشن دے ترجمان آکھیا جو آئین دے آرٹیکل(4) 41 دے تحت صدر پاکستان دا انتخاب عام انتخابات دے بعد 30 ݙینھ دے اندر کراوݨ لازمی اے کیونجو آئین دے آرٹیکل 91 اتے 130 دے تحت ساری اسمبلیاں دی پہلی نشست انتخابات دے بعد 21 ݙینھ دے اندر تھیوݨ ضروری اے۔ فروری 2024 کوں ساری اسمبلیاں وجود اچ آویسن اتے اینویں صدر دے چݨاؤ کیتے مطلوبہ الیکٹورل کالج پورا تھی ویسی۔ الیکشن کمیشن یکم مارچ 2024ء کوں صدر دے انتخاب دا شیڈول اتے پبلک نوٹس جاری کریسی۔
