اسلام آباد۔9جنوری (اے پی پی) نگران وفاقی وزیر برائے قومی صحت ڈاکٹرندیم جان آکھیا جو پاکستان پہلا ملک اے جیڑھا جو گلوبل ہیلتھ سکیورٹی سمٹ کروینداپئے جئیں اچ ستر توں ودھ ملکاں دے مندوبین شریک تھیندے پئن۔ اساں دنیا کوں ثابت کریندے پئیوں جو پاکستان لیڈ کر سڳدے۔ سمٹ توں غریب اتے ترقی پذیر ملکاں کیتے ہک جامع میکنزم ٻݨایا ویسی۔ پاکستان صحت دے شعبے اچ بین الاقوامی معیار آلے پاسے ویندا پئے۔ پاکستان اچ پہلی واری صحت دے نظام کوں مضبوط رکھݨ دا منڈھ بدھ ݙتے۔ اے ڳالھیں انہاں منگل کوں نگران وفاقی وزیر اطلاعات تے نشریات مرتضیٰ سولنگی دے رلے پریس کانفرنس توں خطاب کریندیں ہوئیں آکھی۔ نگران وفاقی وزیر برائے قومی صحت ڈاکٹرندیم جان آکھیا جو پاکستان پہلا ملک اے جیڑھا جو گلوبل ہیلتھ سکیورٹی سمٹ کروینداپئے۔
