اسلام آباد۔10جنوری(اے پی پی)وزیراعظم دی معاون خصوصی برائے تخفیف غربت و سماجی تحفظ ڈاکٹر ثانیہ نشتر دی زیرصدارت نیشنل بینک ٹیم دے کٹھے اجلاس تھئے جیندے اچ احساس راشن رعایت سانڳے کریانہ دکانداراں دی جاری رجسٹریشن دا جائزہ ڳھدا ڳیا۔ اجلاس اچ صدر نیشنل بینک، چیف ڈیجیٹل آفیسر نیشنل بینک، سیکرٹری، ایڈیشنل سیکرٹری سماجی تحفظ ڈویژن شریک ہن۔ ڈاکٹر ثانیہ نشتر آکھیا جو نیشنل بنک، ضلعی انتظامیہ دی کوشش نال کریانہ رجسٹریشن دی تعداد ہفتہ وار 3 سو توں ودھ تے ہݨ 3 ہزار تھی چکی اے۔ انہاں کریانہ دکانداراں دی تصدیق اتے اکاؤنٹ کھولݨ کیتے اقدامات ٻئے تیز اتے سوکھے کرݨ دی ہدایت کیتی۔
