اسلام آباد ۔ 6 اپریل (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو احساس کیش ایمرجنسی پروگرام وزیراعظم عمران خان دا غریب، مزدور اتے محنت کش طبقے نال محبت اتے احساس دا ثبوت اے،اے پروگرام محروم طبقات دی معاشی مشکلات مکاونڑ اچ اہم ثابت تھیسی،ایں ہفتے حقداراں کوں بنکاں توں پیسے ملنڑ شروع تھی ویسن،ایں سانگے صوبائی حکومتاں نال رل تے وادھو کاونٹرزوی لائے ویسن۔ہک ٹویٹ اچ انہاں آکھیے جو نویں پاکستان دا ایجنڈا احساس اتے عوام دی خدمت اے، کیش پروگرام دے تحت 144 ارب روپے1 کروڑ 20 لکھ خانداناں کوں ونڈیسن اتے ہر ٹبر کوں کٹھے 12 ہزار روپے ڈتے ویسن اتے ایں پروگرام نال چارے صوبیاں سودھا گلگت بلتستان اتے آزاد جموں و کشمیر دے مستحق لوک وی فیدہ چیسن۔انہاں آکھیے جو امداد دی شفافیت کیتے جانچ پڑتال دا وی طریقہ رکھیا گئے۔
