اسلام آباد۔28جنوری(اے پی پی)وفاقی وزیرداخلہ محسن نقوی قلعہ عبداللہ دے علاقے گلستان دی پوسٹ تے خوارجی دہشت گرداں دا حملہ ناکام ٻݨآوݨ تے سکیورٹی فورسز کوں خراج تحسین پیش کیتے۔ انہاں حملہ ناکام ٻݨاوݨ تے سکیورٹی فورسز کوں شاباش ݙیندے آکھیے جو خوارجی دہشت گرداں دا بہادری نال مقابلہ کریندے شہید تھیوݨ آلے سکیورٹی فورسز دے 2 جواناں شہید نائیک طاہر خان اتے شہید لانس نائیک طاہر اقبال دی جرات کوں سلام کرینداں۔ انہاں سوگوار ٹٻراں کوں مکاݨ ݙیندے ہمدردی کیتی اتے آکھیے جو شہداء دی قربانیاں تے قوم ماݨ کریندی اے، شہداء دی عظیم قربانیاں ٻھلیاں نئیں ونڄ سڳدیاں۔
