اسلام آباد۔13اکتوبر(اے پی پی)صدر مملکت آصف علی زرداری نال آسٹریلیا دے سبکدوش تھیوݨ آلے ہائی کمشنر نیل ہاکنز ایوان صدر اچ الوداعی ملاقات کیتی۔ صدر مملکت بطور ہائی کمشنر آپݨی مدت تعیناتی اچ پاکستان اتے آسٹریلیا دے تعلقات کوں تکڑا بݨاوݨ کیتے انہاں دیاں کوششاں دی تعریف کیتی ۔ ایوان صدر ??ے پریس ونگ توں جاری بیان موجب صدرمملکت آکھیا جو ہائی کمشنر دیاں خدمات نال ݙوہیں ملکاں وچال سیاسی، معاشی اتے دفاعی شعبیں اچ تعاون کوں ودھارا ملئے جݙاں جو عوام وچال رابطے ودھاوݨ اچ وی مدد مِلی اے۔ صدر مملکت آصف علی زرداری آکھیا جو پاکستان اتے آسٹریلیا سانجھے مفادات اتے آپت دے احترام دی بنیاد تے لمبے عرصے توں دوستانہ اتے تعاون تے مبنی تعلقات توں فیدہ چاتے۔ انہاں آکھیا جوݙوہیں ملکاں کوں آپݨی شراکت داری کوں مز??د تکڑا بݨاوݨا چاہیدے۔ معاشی تعلقات دے حوالے نال صدر مملکت آکھیا ݙو پاسے تجارت اچ ودھارا تھیندا پئے، پر اے حالی تئیں اصل صلاحیت توں گھٹ ??ے۔ انہاں ݙو پاسے تجارت اتے سرمایہ کاری دے موقعیں کوں وسعت ݙیوݨ کیتے کوششاں کوں تکھا کرݨ تے زور ݙتا۔ ہائی کمشنر صدر مملکت کوں سندھ دے آپݨے اڄوکے دورے دا ݙسایا اتے انہاں کوں زراعت اتے موسمیاتی تبدیلی دے شعبیں اچ پاکستان اتے آسٹریلیا دے جاری تعاون متعلق بریفنگ ݙتی۔ انہاں آکھیا جو او اتے انہاں دی فیملی پاکستان دے عوام دی مہمان نوازی اتے پیار بھریاں سوہݨیاں یاداں آپݨے نال گھن تے وین??ے پئن ۔ ہائی کمشنر پاکستان دی نسلی، لسانی، مذہبی اتے خوراک دی متنوع ثقافت کوں متاثر کن قرار ݙتا۔ صدر مملکت ہاکنز دی مستقبل دی کامیابی کیتے نیک تمنا دا اظہار کریندے آکھیا جو امید کریندوں جو ہائی کمشنر پاکستان اتے ایں دے عوام دیاں چنڳیاں یاداں آپݨے نال گھن تے ویسن۔
.jpg)
